More than words

Hindi natin kailangang

Banggitin ang salitang ‘mahal kita’.
‘Pagkat sasayaw tayo sa saliw

Ng hirap at ginhawa
Sa hangin, tayo’y lilipad–

Kakanta

Pakikilala natin ang isa’t isa sa mga mukhang hindi natin kilala

Lahat ng makakaalala

Mabibigyan ng pabuya ng ngiti
Magbabago ang awit
Babagal sa ating sambit
Magsasabit ng mga kulay na ginto at puti
Aawitan kita at sila
At walang hihinto
Sa mabagal na pagindak ng mga bewang

Sa musikang tayo ang naglilok

Hindi ko kailangang marinig na ako ang buhay mo
Ngunit bawat ligaya’y buong buhay na hahatiin
Ang kapit ko man, minsan ma’y humina,
Walang dapat ikatakot
Dahil uli’t uli

Ikaw ang panata.