Dami ng ginagawang awitin
Sinusulat na panukala
Bukas ang ilaw ng kayamanan
May pabitin sa kisame at sa kamay
Dating pulseras ng dugo ngayon
Ay pulseras na ng tagumpay ngunit
Hindi puno ang pagkagalak
May tila kulang sa aking mga daliri
Nangunguminting, nangangating
Magkalikot muli ng mga parirala
Naagnas na ang mga salita
Naiwan muli si Roberto at Matalinong magbabaybay bilang labing tatlo
Itong plataporma’y nabanat
Kaunting pansin lamang ang nababahagi sa mga giliw
Kamusta mahal ko, ako’y narito
Upang kumitingting kahit saglit
Upang tayo’y muling magsiping sa bawat sagot at tanong
Habang ako ay nag-iisa sa dilim.
Ano kaya ang magandang pananaginipin?
The Variables of Jums 